PEPELING WULAN (ROJAB) REJEB LAN RUWAH (SYA'BAN)

 PEPELING WULAN (ROJAB) REJEB LAN RUWAH (SYA'BAN)

TADZKIR/ PEPELING WULAN (ROJAB) REJEB

Dimen Samya Imut PUNAPA PIRSA  Fadhilah Wulan Rejeb (Rojab) Tumraping Kaum Muslim, Antawisipun : Wulan Rejeb Kasebat Wulanipun Gusti Alloh, Gusti Mulyakaken Wulan Menika Kanthi Nimbali Nabi ing prastawa isro’ mi’roj lan Paring Dhawuh perintah sholat wajib 5 wekdal, Gusti Kathah Paring Rohmat Ing Wulan Rejeb. Pramila Kaum Muslim Dipun Perintah Ngathahaken Ibadah, Dzikir, Ndedonga,  Maos Istgihfar, Maos Tasbih, Sedekah Punapa Dene Tetulung Mring  Sesami (Kumpulan Fadhilah Hadits Wulan Rojab).

 

MUMPUNG WULAN REJEB, AYO NGIBADAH KANG SREGEB

MUMPUNG WULAN REJEB, AYO NGIBADAH KANG  JEJEG

NGELINANA WULAN REJEB, WULAN MULYA INGKANG JANGKEP

 

MUMPUNG WULAN REJEB, ISTIGHFAR E INGKANG AJEG

MUMPUNG WULAN REJEB, MACA TASBIH INGKANG KEREP

NGELINGANA GUSTI ALLOH, PARING (NYEBAR)  ROHMAT WULAN REJEB

 

MUMPUNG WULAN REJEB, DZIKIR  DONGA KANTHI MANTEB

MUMPUNG WULAN REJEB, DZIKIR DONGA AJA MANDHEG

NGELINANA WULAN REJEB, BERKAH MULYANE TAN KANDHEG

 

MUMPUNG WULAN REJEB, SEDEKAHO TANPA MINEP (SIGEG)

MUMPUNG WULAN REJEB, TETULUNGO KANTHI GREGET

NGELINGANA GUSTI ALLOH, NYEMBADANI S’DAYA  KRENTEG (KAREP)

 

 

TADZKIR/ PEPILING WULAN (SYA’BAN) RUWAH

Dadya Pepenget Kaum Muslim Bilih Wulan Sya’ban/ Ruwah Punika Ugi Wulan Sae, NANGING  Kathah ingkang Sami Supe. Wulan Menika Kathah Kedadosan Prastawa Antawisipun : Tumuruning Ayat Printah/ Dhawuh Maos Sholawat,  Tumurun Ayat Printah Siyam Ramadhan, Prastawa Perang Bani Mustholiq (Hikmah Saking Kabar Palsu –  Kita Kedah Ta’yin/ Tabayun) Lsp. Nabi Kathah Siyam Ing Wulan Menika, Garwanipun Nabi Siti Aisyah ugi Nyaur Utang Pasa Ing Wulan Menika AMARGI Wulan Ruwah Menika Wulan Diangkatipun Catetan Ngamal Kita Sakdangunipun Setahun. Kathah Amalan Sae Ing Wulan Ruwah Antawisipun: Ziyarah Kubur, Pasa Sunnah, Sholawat, Sedekah, Lan Ibadah Sanesipun (Intisari Fadhilah amal - Hadits Nabi)

 

MUMPUNG WULAN RUWAH, KENCENGNA NGGONMU NGIBADAH (MANEMBAH)

MUMPUNG WULAN RUWAH, KENCENGNA  NGGONMU SEDEKAH

NGELINGANA NGAMAL KITA, DEN ANGKAT (DEN PRIKSA) ING WULAN RUWAH

NGELINGANA NGAMAL KITA, DEN ANGKAT (DEN PRIKSA) ING WULAN RUWAH

 

MUMPUNG WULAN RUWAH, AYO PADHA PASA SUNNAH

MUMPUNG WULAN RUWAH, AYO PADHA PASA SUNNAH

NGELINGANA WULAN RUWAH LUMEBER ROHMAH LAN BERKAH

NGELINGANA KANJENG NABI, KATHAH SIYAM WULAN RUWAH

 

MUMPUNG WULAN RUWAH, NYAUR PASA INGKANG GADHAH

MUMPUNG WULAN RUWAH, NYAUR PASA AJA WEGAH

NGELINGANA UTANG PASA, WAJIB NYAUR KANTHI (KLAWAN) LILLAAH

NGELINGANA SITI AISYAH (GARWA NJENG NABI) UGA NYAUR ING WULAN RUWAH

 

MUMPUNG WULAN RUWAH, AYO PADHA SAMI ZIYARAH

MUMPUNG WULAN RUWAH, AYO PADHA SAMI ZIYARAH

NGELINGANA KITA SAMI, BESUK KAPAN BAKALE PEJAH

KIRIM DONGA PARA ARWAH : LELUHUR - GURU - LAN SIMBAH (TYANG SEPAH)

 

MUMPUNG WULAN RUWAH, SHOLAWATAN INGKANG KATHAH

MUMPUNG WULAN RUWAH, SHOLAWATAN INGKANG KATHAH

NGELINGANA AYAT (DHAWUH) S’LAWAT, TUMURUN ING WULAN RUWAH

MUGI MUGI GESANG KITA, LUMAMPAH BERKAH – SANGADAH

 

 _____________________________

 Oleh : Ingsun Sholihin