PANEMBRAMA HUT KOTA KE 261 TAHUN 2017

MAPAG TANGGAP WARSA KAPING 261 (07 OKTOBER 2017)

PRAJA NGAYOGYAKARTA

                    Bawa             :   Sekar Tengahan Kenya Kediri Slendro 9

                                                 Keparenga Kula matur ngarsanipun,
                                                 Para rawuh kakung putri,
                                                 Ingkang mahargya ri-ambal warsanipun,
                                                 Jangkep kalih atus swidak stuggal tahun,
                                                 Madege Praja Ngayogyakarta tuhu,

                    Jineman       :     Mangga nyuwun mring Pangeran,
                                                 Sanggyaning para pangarsi,
                                                 Miwah kawulanipun,
                                                 Rahayua kang pinanggih.

                  Ompak-ompak       :   Kula ndika warga Kota Yogyakarta,
                                                      Wajib memayu hayuning buwana,
                                                      Golong-gilig datan mingkuh sesantinya,
                                                      Yogyakarta Daerahku Istimewa.                                                                       .                                                                                      

KINANTHI SUBAKASTAWA    :

Ngaturaken sugeng rawuh,                          
Para tamu kakung putri,                                          
Sagunging para sutresna,                                        
Hanjenengi hanyekseni,                                          
Para warga sing Giwangan,
Hanyengkuyung gelar seni.                                                                  

Punika pahargyan agung,                  
Praja Ngayogyakarta di,
Mangga tansah handedonga,                                      
Konjuk Ngarsa Dalem Gusti,
Mugi tansah paring berkah,              
Widada mulya lestari.  
                   
Kita tansah muji sokur,
Sanggyaning para pangarsi,      
Guyub rukun nunggal karsa,
Berhati  Nyaman sayekti,
Gotong royong mbangun kota,  
Golong-gilig mbangun naagrii...iii...


RANGU-RANGU    :

PARA WARGA, SING GIWANGAN
SARENG MANEMBRAMA, KATUR JENGANDIKA
PRA KADANG SUTRESNA, KABUDAYAN
SUMANGGA, DEN LELURI,
JA KALINDHIH , BUDYA MANCA,
MANGGAAAA….   MANGGAAA... !

PARA MITRA, KANG TAHLILAN
SA-BII-LUDZ-DZAA-KIRIN, Ing Kampung Malangan
MANGGA SAMI SHOLAT, BERJAMA’AH
SUMANGGA, DEN LAKONI
AJA NGANTI, DITINGGALNA
AAYOO...  SHOLAAT... !!

PARA WARGA, ING MALANGAN
SAMIYA TINDAKNA, PRANATAN AGAMA
GUYUB RUKUN PADHA, SESRAWUNGAN
TETULUNG, GOTONG - ROYONG
BEBARENGAN MBANGUN DESA
MANGGAAA... MANGGAAA.... !!!